Bi Google Caffeine êdî dewraneke nû ya Google dest pê dike.

Navbera malpersazên jîr û yên tiral jî belî dibe. Malperên ku neheq di encaman de derdiketin pêş û malperên ku neheq di encaman de dernediketin dê bigihêjin heqê xwe. Êdî ew dê muameleyên cuda bibînin. Google dê lezgîniya we jî gelekê pêşdetir bibe.

Dê çawa jîr û tirral ji hev veqetin?
Bi vê motora nû dê malperên rojane (ku her roj naverokan diweşîne) û yên ne rojane ji hev veqetin. Malperên rojane, heftane, mehane dê çêtir bên belîkirin. Her wisa malperên ku naveroka wan naşube naveroka malperên din jî dê cihekî girîng bigirin. Her wisa wekî em dizanin, di çavên Google de pir girîng e ku çend kesan lînk daye malpera te. Hin kesên ku vê yekê dizanin, bi pereyan di malperan de lînk didin malpera xwe. Google Caffeine di vî warî de jî xwe nû dike û lînkên bi pere ji yên din nas dike. Lînkên firotinê dê bêqîmet bibin.

Di vê dewrana nû de, kesên xwedî gelek malper û bi awayekî profesyonel bi malperên xwe re têkildar dibe û pir pereyan ji reklaman qezenc dikin dê bi qasî blogên ku gotarên nû û serbixwe dinivîsin, dernekevin pêş. Yanî xwediyê blogên ku gotarên nû, naverokên cuda dê pirtir qezenc bikin.

Google Caffeine dê gotarên xweser, ku naveroka wê li derek din nehatiye we?andin pirtir binirxîne, qîmet bidê. Bi vî rengî nirxê gotarên xweser dê pirtir bibe.

Ji ber ku dê lînkên firotî jî bêne naskirin, kesên ku bi rastî der barê SEO de agahiyeke berfireh nizanin jî bi saya naverokên nû, xwerû û xweser derkevin pêş. Google Caffeine niha bi tevahî neketiye dewreyê. Hin parçeyên wê niha ketine dewreyê. Piştî ku kete meriyetê, dê nirxandinên çêtir li ser wê bêne weşandin.

Ji bo ceribandina Google Caffeine, li aliyê rastê yê jêrîn bişkojka Caffeine'ê Biceribîne bitikîne.

Hûta înternetê Google, da xuyakirin ku endezyarên wê li ser motoreke lêgerînê ya nû dixebitin, ku navê wê "Caffeine" (kafeîn) e. Hate ragihandin ku ev motora nû lezgîntir e.

Peyam di blog a fermî ya Google de, li ser navê endezyar Sitaram Iyer û Matt Cutts hate we?andin. Di peyamê de hate gotin ku endazyarên Google bi mehan e li ser projeyeke nepenî (veşartî) dixebitin. Armanca wan ew e ku motoreke lêgerînê ya nifşê nû çêkin. Di peyamê de hate destnîşankirin ku bi vê projeyê dê di lêgerînê de encamên çêtir û rastir derkevin û dê leza derketina encaman jî zûtir be.

Bi vî rengî kesên ku vê motora nû bi kar bînin, dê zûtir bigihîjin agahiyê. Bikarhênerên înternetê niha dê bikaribin ji navnîşana www2.sandbox.google.com pêşketina xebatê bişopînin, motora lêgerînê ya nû biceribînin û encamên wê bi encamên Google re bidin berhev.

Ji aliyê dîtbarî ve di navbera rûpela Google ya orjînal û rûpela vê motora lêgerînê ya nû de cudahiyek tune. Rêveberiya Google dide xuyakirin ku tekane armanca wan ew e ku "Caffeine" ji motora lêgerînê ya nû lezgîntir bixebite.

Pi?tî ku Google'ê rojanekirina xwe ya "Caffeine"ê ragihand, bala bikarhênerên cîhanê çû ser Google'a ku jixwe cîhana lêgerînê xistiye destê xwe. Google gelek guherînan pêk tîne.

Rojanekirina ku wekî "Google Caffeine" tê binavkirin lêgerîna motorê lêgerînê ya google lezgîntir dike. Her wisa bi vê rojanekirinê re kapasîteya rûpelkirinê jî pê?ve diçe. Xala girîngtir jî ew e ku di encama lêgerînê de nirxandina rêzkirina malperan (the value of search engine rankings) diguhere. Pirsgirêk di vê mijarê de çi bû? Google her çiqas motoreke lêgerînê ya serkeftî bû jî, di encama lêgerînê de, di rêzkirina malperan de nirxandina google (SEO) mijarek gelekî girîng bû. Li cîhanê bû sedema ku pisporiya SEO derkeve holê. Yanî ji bo malpera te di encama lêgerîna Google de li pê?iya malperên din derkeve, diviya te gelek ti?t bikira. Lê ku malpera yekî din ji malpera te ne çêtir bûya û dîsa jî malpera wî di encama lêgerînê de di pê?iya malpera te de bixuya!? Ev pirsgirêkek mezin bû. Ji bo wisa nebe malpersazan (çêkerên malperan) xwe di warê SEO de pê?ve birin, pisporiya SEO derket holê. Lê xala herî girîng nirxandina Google bixwe bû. Heke Google bixwe nirxandinek ba? neke, tu çi jî bikî dê malperek neba? bikaribe di pê?iya malpera te de xuya bike. Google di warê rêzkirineke bi kalîte de pir ba? bû. Lê wisa xuya dike ku dê Google Caffeine bi guherînên nû çêtir be. Google ji bo vê yekê di rûpela www2.sandbox.google.com de hi?tiye ku mirov ceribandinan bike. Her wisa mirov dikare encama wir û ya rûpela orjînal a Google dayne berhev, bê ka cudahiya navbera herduyan çi ye. Berî her ti?tî Google Caffeine zûtir encamê dide. Lê ev zûtirîn ne ferqeke mezin e, ferqek hindik e. Dema mirov di herdu rûpelan de li heman gotinê bigere jî, mirov dê guherîna lîsteya encamê bibîne. Malperek ku di rûpel orjînal de li pê? xuya dike, di encama lêgerîne Google Caffeine'ê de dikare here pa?. An jî dikare berevajî vê yekê be. Ev jî nî?aneya guherîna nirxandina Google ye. Bi van guherînan re dê xebateke nû ya SEO ji bo Google dest pê bike. Ev yek dê bandorê li ser reklamên Google jî bike. Jixwe algorîtmaya google raz e (nayê zanîn), ji ber vê der barê SEO de dê gelek pirs bêne pirsîn. Mirov niha dikare di rûpela www2.sandbox.google.com de ceribandina Google Caffeine'ê bike.